Félagsveran ég

Nú er sko allt komið á fullan snúning  Lúðrasveitin byrjuð að æfa, kórinn byrjaður og saumó byrjar í næstu viku.  Það er svo gott að fá allt í gang aftur eftir sumarfrí.  Fór á lúðrasveitaræfingu á mánudaginn og þar var skellt á mann dagsetningum á æfingarhelgi, tónleikum og svo helgarferð...nóg að gera og mikil skemmtun framundan!  Svo var fundur hjá kórnum í gær og þar er nú ekki minna um að vera....stífar æfingar í september, upptaka á jólaplötu í október og svo nokkrir tónleikar svo eitthvað sé nefnt.  Svo var rætt um utanlandsferð í vor en ekki var alveg komið á hreint hvert sé stefnt á að fara.   Það er svo gaman að hafa nóg að gera!

Talandi um utanlandsferðir að þá komst það loksins á hreint í dag að ég fer til Kanarí 19.september og verð í 3 vikur í loftslagsmeðferð.  Kvíði því nú svolítið að fara svona lengi erlendis frá fjölskyldunni en ég veit samt alveg að karlarnir mínir 3 bjarga sér prýðilega án mín.....vill bara helst  trúa því að ég sé ómissandi   Ég bind svo miklar vonir um þessa meðferð og vona svo sannarlega að hún virki í langan tíma eftir að ég kem heim

Nú er bara að fara að viða að sér lestrarefni til þess að hafa með á ströndina og svo hugsa ég að ég taki tölvuna með mér stútfulla af bíómyndum og þáttum svona ef ske kynni að mér leiddist...einhvrjar hugmyndir af góðum bókum og bíómyndum??

Bless á meðan,

Vilborg

Athugasemdir

[Hulda Bergrós Stefánsdóttir, 30.8.2007 kl. 23:40]

La vita belle

Brá hér er bara allt orðið grænt ....vonandi ekki framsóknargrænt !!!

[Vilborg, 30.8.2007 kl. 23:54]

Var eitthvað að fikta og náði að klúðra þvílíkt...en nú er þetta komið og orðið rautt aftur!

[Katrín Snæhólm Baldursdóttir, 2.9.2007 kl. 01:07]

Loftslagsmeðferð??? Hvað í ósköpunum er það??

[Vilborg, 2.9.2007 kl. 01:38]

Loftslagsmeðferð er meðferð fyrir psoriasissjúklinga og er það eitt af því fáa sem ég á eftir að prófa. 

http://www.psoriasis.is/default.asp?sid_id=11441&tre_rod=002%7C003%7C002%7C&tId=1